Daniel Zulaika Donostiako Gizarte Kontseiluko lehendakariak Bilboko Hiri Kontseiluaren bileran parte hartu zuen atzo, eta organo aholku-emailearen garapena zein haren inguruko ikuspegia partekatu zituen bertaratuekin.
Madrilgo Ifema azokak Hirien Foroaren bosgarren edizioa hartuko du gaurtik ostegunera. Hiriek bizigarriagoak, jasangarriagoak, inklusiboagoak, parte-hartzaileagoak eta erresilienteagoak izateko jarraitu beharreko bideari buruzko ideiak, proiektuak eta ikuspegiak trukatzeko topagunea izango da.
Donostiako alkate Eneko Goia eta Estrategia Bulegoko zuzendari Kepa Korta Europa Saria jaso duten Hirien Elkartearen Batzarrean izan dira aste honetan, Estrasburgon. Bertan, Udalak COVID19aren osasun-larrialdiari aurre egiteko martxan jarritako hainbat ekimen aurkeztu zituzten.
Eneko Goia Donostiako alkate eta Atlantic Cities sareko presidenteak inauguratu du maiatzaren 24an eta 25ean Donostian egiten ari diren Mintegi eta Batzar Nagusiaren bigarren jardunaldia.
Atlantic Cities sarearen urteroko Batzar Orokorra eta mintegia atzo, maiatzak 24, abiatu zituzten Donostiako Kursaal Biltzar Jauregian. Topaketak formatu hibridoa du, eta sareko kideek adierazpen bateratua sinatuko dute klima-aldaketak kostaldean eragiten dituen ebidentziak mahai gainean jarri eta klima-aldaketaren aurka borrokatzeko konpromisoa berresteko.
Atlantic Cities sarearen urteko Batzar Orokorra eta mintegia Donostiako Kursaal Biltzar Jauregian egingo dituzte maiatzaren 24an eta 25ean, sarearen lehendakaritza Gipuzkoako hiriburuak duela baliatuz. Topaketak formatu hibridoa izango du, eta sareko kideek adierazpen bateratua sinatuko dute klima-aldaketak kostaldean eragiten dituen ebidentziak mahai gainean jarri eta klima-aldaketaren aurka borrokatzeko konpromisoa berresteko.
Akelarre jatetxeko sortzaile eta sukaldari Pedro Subijana, Xarma Cook & Culture jatetxeko sukaldari eta arduradun Aizpea Oihaneder, Basque Culinary Centerreko zuzendari nagusi Joxe Mari Aizega eta Gipuzkoa Ostalaritza-ko idazkari nagusi Kino Martinez euskal gastronomiaren belaunaldi aldaketaz eztabaidatzeko elkartu dira Radio San Sebastian irrati kateko Hoy por Hoy San Sebastian saioan, Donostiako Gizarte Kontseiluko lehendakari Daniel Zulaikarekin batera.
Radio San Sebastián - SER irrati kateko Hoy por hoy San Sebastián saioak Donostiako Udaleko Gizarte Kontseiluaren hurrengo eztabaida berezia hartuko du astelehenean, maiatzak 16, Gipuzkoako sektore gastronomikoaren belaunaldi arteko erreleboa aztertzeko.
Donostiako Gizarte Kontseiluak urteko bigarren osoko bilkura egin du astelehen honetan, maiatzak 9, Donostiako udaletxeko Osoko Bilkuren aretoan. Donostiar berrien inguruko saio monografikoa izan da, eta Daniel Zulaika Gizarte Kontseiluko presidentearekin, Eneko Goia alkatearekin eta Kepa Korta Estrategia Bulegoko zuzendariarekin batera, hiriko hamar eragilek hartu dute parte bileran.
