|
2003-08-26
Donostiako Kultur eta
Turismo Ekintzetxeak erreserbatzeko zentrala
jarri du martxan bere bulegoetan
Zerbitzu berri horrek atxikita dauden hotel
nahiz pentsioetan plazak erreserbatzea ahalbidetzen
du
KTEk (Kultur eta Turismo Ekintzetxeak) Euskal
Herrian aitzindaria den sistema jarri du abian.
Hala, informazio turistikoaren bulegoetan
nahiz telefonoz edo Internet bidez ostatu
hartzeko erreserba egin daiteke Donostian.
Erreserbatzeko zentral horrek datu base informatiko
baten bidez funtzionatzen du, eta hala atxikita
dauden hoteletan libre daude plazak ematen
dira ezagutzera. Behin informazio horren berri
izanik, turistak badaki non ostatu hartu eta
erreserba gauzatu; hori guztia, gainera, momentuan
bertan berresten da.
Zerbitzu berri horren bitartez, KTE azken
urteetan turismo eskaeran izan diren aldaketetara
egokitu da. Orain arte, maila ezberdineko
hogei hotel-establezimendu daude formula berri
horri atxikita, eta datozen hilabeteetan kide
gehiago izatea espero da.
Sistema hori urte osoan izango da KTEren bulegoetan
Reina Regente kalean, baita Pio XII eta Norteko
geltokiko informazio-guneetan ere.
|