Donostia Estrategia Bulegoak ordezkatu zuen, etorkizunari begira hiriaren estrategia lantzen duen erakundea den neurrian.

Donostiako bizi-kalitatea, erdi-mailako hiriekiko duen kokaleku ona, Donostiaren zientzia-ekosistema, bertako ikerkuntza eta berrikuntza, partaidetza eredua, hiri barneratzailea izateko eraikuntza prozesua, eta hiriak jasangarritasunaren alde egin duen apustua ez dira oharkabekoak suertatu Forum honetan.

Future of Cities Forumaren laugarren edizioan, hiru alderdiri buruz jardun zuten, batik bat: jasangarritasuna, txertatze soziala eta smart kontzeptua. Mundu guztiko hiriek eta enpresek parte hartu zuten topaketa honetan; baina, gehien nabarmendu ziren hiriak ingurukoak izan ziren: Belgrad (Serbia), Tirana (Albania), Podgorica (Montenegro) eta Rijeka (Kroazia) eta Alemania, Irlanda, Holanda eta Japoniako beste hiri batzuk.

Euskadi izan zen Forumera gonbidatu zuten eskualdea; eta, horregatik, topaketan toki nabarmena izan zuen. Donostiako eta Bilboko aurkezpenez gain, Mondragon Taldekoak ere izan ziren. Hori dela eta, bertan izan ziren Orona Ideoko arduradunak, Mondragon Unibertsitateko ikertzaileak eta Prospektiker-Millenium Project Node aholkularitza.

Foruma Millenium proiektuaren parte-hartzearekin egiten da. Millenium proiektua mundu-mailakoa da eta hirien etorkizuneko azterketa sakona egiten du. Helburua da hiriek eta enpresek etorkizunean erantzun beharko dieten erronka globalei buruzko gogoeta egitea da.

Ljubljana Esloveniako hiriburua da, 2016. urtean Green Capital izango da, eta hori, egun, igar daiteke bere kaleetan. Gutxi gorabehera 300.000 biztanle dituen hiriburua da eta bizi-kalitate ona dago bertan. Horrez gain, hiri honetako biztanleak inplikatuta eta kontzientziatuta daude ingurumenarekiko, jasangarritasunarekiko eta kontsumo arduratsuarekiko.