Berriak

2023 Ekaina 1

Asier Vitoria: “Laguntza premia gehien duten pertsonak erdigunean jartzen ez baditugu, atzean geratzen dira”

Gizarte Ekonomiak euskal lurraldean duen eredu adierazgarri eta nagusietako bat da Gureak enpresa-taldea. Ahalmen desgaitasuna duten pertsonei eta, bereziki, adimen-desgaitasuna duten gipuzkoarrei, egokitutako lan-aukera egonkorrak sortzen eta kudeatzen ditu Gureak-ek, industriaren, zerbitzuen eta marketinaren sektoreetan, nagusiki. Jarduera lehiakor eta jasangarriak helburu sozialekin bat etor daitezkeela agerian uzten dute egunerokoan.

Berria irakurri

2023 Maiatza 30

Jatorri atzerritarra duten donostiarrak izango ditu aztergai Gizarte Kontseiluaren hurrengo eztabaida saioak

Donostiako Gizarte Kontseiluaren hurrengo eztabaida ekainaren 6an, asteartean, egingo da, Cadena SER kateko Hoy por Hoy San Sebastián saioan, eta hauxe izango da izenburua: 8 donostiarretik 1 beste nonbaitekoa denean.

2023 Maiatza 26

Impact Hub Donostiak gidatutako The Break programaren formakuntza saio batean hartu du parte Estrategia Bulegoak

Espainiako Gobernuaren Berreskuratze, Eraldaketa eta Erresilientzia Planaren barruan dagoen The Break: women entrepreneurship & internationalisation in Spain ekintzailetza erakartzeko programak bigarren edizioa jarri du abian. Programa honen bidez, EBn bizi diren 720 emakume ekintzaile etorriko dira aurten Espainiar estatura, eta beren negozioen garapenean eta ekintzailetzari lotutako beste arlo batzuetan formakuntza jasoko dute.

2023 Maiatza 24

Donostia Bresteko European Maritime Day topaketan izango da

Europako itsas komunitateak urtero antolatzen duen European Maritime Day (EMD) topaketak itsas gaiei eta ekonomia urdin iraunkorrari buruzko ekintza bateratuak lantzeko, eztabaidatzeko eta abiarazteko helburua du. Topaketa gaur eta bihar, maiatzak 24 eta 25, egingo daFrantziako Brest hirian, eta Donostia bertan parte hartzera gonbidatua izan da.

2023 Maiatza 16

Zabalik da Donostiako Estrategia Bulegoak antolatutako TOPAKETAn izena emateko epea

Gizarte Ekonomia bera eta haren baitako esperientzia ezberdinak lurraldeko herritarrei gerturatzeko asmoz, Donostiako Estrategia Bulegoak Gizarte Ekonomia, lehen pertsonan: Gizarte Ekonomiaren esperientziak topaketa antolatuko du ekainaren 20an, asteartea.

2023 Maiatza 11

2023ko Gizarte Ekonomiaren Hiriburutzaren jarduera-programa indartu egin da egunotan

KONFEKOOP Euskadiko Kooperatiben Konfederazioak eta ASLE Euskadiko Lan Sozietateen Elkarteak urteko batzarrak egingo dituzte egunotan Donostian. EHLABE Euskal Herriko Lan Babestuaren Elkarteak, bestalde, 2022ko Memoria aurkeztu zuen atzo, maiatzaren 10ean, Kursaalean.

2023 Maiatza 4

Victor Meseguer: “Ekonomia sozialak hazten jarraitu dezan nahi dugu, ekonomia bidezkoagoa eta gizatiarragoa eraikitzeko”

Victor Meseguer Espainiako Gobernuaren Gizarte Ekonomiarako komisionatu berezi berria da. Donostia 2023 Gizarte Ekonomiaren Hiriburutzaren testuinguruan, CEPES Gizarte Ekonomiako Espainiako Enpresarien Konfederazioak urteroko Zuzendaritza Batzordea eta Batzar Orokorra egin zituen Donostian apirilaren 27an, eta ekitaldi horien harira Meseguerrek Donostiara egindako bisita baliatuz, elkerrizketa laburra egin genion.

2023 Apirila 25

Donostiako Gizarte Kontseiluak «Zinegotzi baten azalean» bideoa aurkeztu du

Gizarte Kontseiluaren eguneroko lana eta bertako kideak donostiarrei hurbiltzeko eta ezagutarazteko asmoz, elkarrizketa formatuko bideo-sorta bat prestatu du Kontseiluak, datozen hilabeteetan, apurka, argitaratuko direnak.

2023 Apirila 20

Donostiako Gizarte Kontseiluak legealdiko azken bilkura egin du, hiriaren inguruko hainbat ikuspegi aztertzeko

Donostiako Gizarte Kontseiluak atzo, apirilaren 19an, egin zuen legealdiko azken osoko bilkura udaletxeko areto nagusian. Daniel Zulaika presidenteak legealdiko lehen saioari erreferentzia eginez zabaldu zuen topaketa, hain zuzen, Covid19aren izurriak eragindako itxialdia baino astebete lehenago egin baitzen. “Hori ere gainditu dugu, eta hemen jarraitzen dugu, hiru urte geroago”, nabarmendu zuen.