Donostiako Gizarte Kontseiluak sustatutako ekimenak izandako harrera onaren ondoren, Donostiako hiritarren ekimen onenari emandako Sariaren bigarren deialdia zabaldu berri da. Proposamenak aurkezteko epea irailaren 30era arte egongo da zabalik.
Hiri-pentsamendu estrategikoaren kultura partekatzen eta sustatzen duen hiri iberoamerikarren CIDEU sareak Plangintza eta Ekintza Klimatikoa Hirietan izeneko kongresua eta urteroko batzar orokorra egin ditu egunotan Mendozan (Argentina), eta Donostia bertan parte hartzera gonbidatu dute.
Donostiako San Telmo Museoa euskal gizarte ekonomiaren epizentroa bihurtu zen atzo, ekainak 20. Donostiako Estrategia Bulegoak Gizarte Ekonomia lehen pertsonan: Gizarte Ekonomiako Esperientziak lelopean antolatutako topaketak euskal enpresa garrantzitsuetako ordezkariak eta gaian adituak bildu zituen, gizarte ekonomia eta haren esperientzia arrakastatsuak gipuzkoarrei helarazteko.
Europa Saria jaso duten Hirien Elkartearen Batzar Nagusian hartu zuen parte Donostiak joan zen astean (Gipuazkoako hiriburuak 2019an jaso zuen saria). Bileraren helburu nagusia hau izan da: elkartasunaren eta batasunaren balioak ekintza nola bihurtu aztertzea, hala nola, Ukrainako gerrako errefuxiatuei harrera errazteko neurri zehatzak hartuta. Topaketa Nancyn (Frantzia) egin da, ekainaren 15etik 17ra.
Donostiako Gizarte Kontseiluak SER irratian antolatutako urteko bigarren eztabaida saioan, hiriak pertsona migratzaileei egiten dien harrera eta haiek hirian integratzeko eskaintzen dituen balibaideak izan zituzten aztergai gonbidatuek. Hain zuzen, Gipuzkoako Gurutze Gorriko Gizarteratze Arloko zuzendari Elena Luquinek, Mestiza Elkarte Artistiko-Soziokulturaleko presidente eta bazkide fundatzaile Ana Molinak eta Matia Fundazioko zuzendari Gerardo Amunarrizek hartu zuten parte hitzaldian.
Göteborg hiria Gizarte Ekonomiaren Europako erdigune bihurtu da hiru egunez. Gizarte Ekonomia 2023 – Europa indartsuagoa eta erresilienteagoa eraikitzen konferentziak Gizarte Ekonomiako Ekintza Plana eta haren inplementazioa ditu ardatz, eta aurtengo azaroan Donostian egingo diren ekitaldiei begirako zubi-lana egingo du; hain zuzen, azaroko topaketak Donostiaren 2023ko Gizarte Ekonomiaren Hiriburutzaren eta Espainiaren Europako Batasuneko Kontseiluaren lehendakaritzaren testuinguruan kokatzen dira.
Atlantic Cities sarea osatzen duten 17 hiri eta metropoli-eremuetako alkateek Biarritzeko Gutuna izeneko dokumentua sinatu dute. Bertan, planetaren biodibertsitatea eta airearen kalitatea zaintzeko orduan ozeanoek duten zeregin garrantzitsua azpimarratu dute. Kutsadurak eta plastikozko hondakinek arriskuan jartzen dute ozeanoen fauna eta flora, izan ere, “1970 eta 2010 urteen artean uraren tenperatura 0,11 gradu zentigradu igo da hamarkada bakoitzean, eta XX. mendean zehar, uraren maila 17 zentimetro igo da munduan, hau da, 1,7 mm urtean, gutxi gorabehera”.
Gizarte Ekonomiak euskal lurraldean duen eredu adierazgarri eta nagusietako bat da Gureak enpresa-taldea. Ahalmen desgaitasuna duten pertsonei eta, bereziki, adimen-desgaitasuna duten gipuzkoarrei, egokitutako lan-aukera egonkorrak sortzen eta kudeatzen ditu Gureak-ek, industriaren, zerbitzuen eta marketinaren sektoreetan, nagusiki. Jarduera lehiakor eta jasangarriak helburu sozialekin bat etor daitezkeela agerian uzten dute egunerokoan.
Donostiako Gizarte Kontseiluaren hurrengo eztabaida ekainaren 6an, asteartean, egingo da, Cadena SER kateko Hoy por Hoy San Sebastián saioan, eta hauxe izango da izenburua: 8 donostiarretik 1 beste nonbaitekoa denean.
